Tekstong Argumentatibo - "Ang Maling Paraang Pinili" (Ang Pananakop ng Bansang Russia sa Bansang Ukraine)

Ang Maling Paraang Pinili

(Ang pananakop ng bansang Russia sa bansang Ukraine)

          Ang bansang Russia laban sa bansang Ukraine. Tama ba ang ginawa ng bansang Russia? Sa pangunguna ni Presidente Vladimir Putin, nitong nakaraang Pebrero taong kasalukuyan, naglunsad ng isang military operation ang Russia sa Ukraine. Tinatawag nila itong “Peace Keeping Operation”, subalit ang lumalabas talaga ay isa itong pananakop ng bansang Russia sa bansang Ukraine. Ano ba ang dahilin kaya nagawa ito ng Russia? Sinasabing ang dahilan kaya gustong masakop ng Russia ang Ukraine dahil gusto muli ni Vladimir Putin ng maging isa sila. Sa kadahilanang noon ay ang parehong bansa ay nabibilang sa USSR o Soviet Union, na ‘di kinalaunan ay nabuwag din. Isa pa sinasabing dahilan ay tutol ‘di umano si Presidente Vladimir Putin sa balak ng Ukraine na pagkilala sa kanila bilang kasapi ng Europe at sa nais nilang mapabilang sa NATO o North Atlantic Treaty Organization.

          Parte ng Russian Empire ang bansang Ukraine noong ika-18 hanggang ika-19 na siglo. Subalit nagkaroon ng Ukranian War of Independence taong 1917 at ito ay panandalian lamang dahil nga nagkaroon ng Soviet Union. Nagkaroon naman ng NATO o North Atlantic Treaty Organization noong 1949 at nangakong poprotektahan nila ang isa’t isa. Nagdeklara naman ng Kalayaan sa Soviet Denomination ang Republika ng Ukraine kaya’t kinalaunan ay nabuwag ito at ang alyansang NATO ang naging mas matibay. Pagdating ng taong 2013, nagkaroon naman ng kasunduan ang samahang European Union at ang bansang Ukraine subalit bago sila magkaroon ng lagda ay pumagitna ang mga Pro-Russian. Dahil sa desisyon ng Presidente ng Ukraine, marami ang nag-rebelde at mas bumaba ang impluwensya ni Presidente Putin sa Ukranian at naging dahilan upang gumawa ito ng panibagong hakbang. Kinuha niya ang pwersahan ang Crimea na kung saan ay bahagi ng bansang Ukraine at dito naman nagsimula ang tunggalian ng Ukraine at Russia at halos labing-apat na libong tao ang pumanaw. Nito lamang nakaraang Nobyembre taong 2021, may satellite na nagpapakita ng bagong build-up ng mga tropang Ruso sa hangganan ng Ukraine, at pinakilos nito ang Moscow sab ilang na isang daang libong sundalo at kasama ang mga tangke at iba pang kagamitang militar.

Sa pangunguna ni Presidente Vladimir Putin, nitong nakaraang Pebrero taong kasalukuyan, naglunsad ng isang military operation ang Russia sa Ukraine. Dito sinabi ni Pangulong Vladimir Putin ang katagang “Ukraine belongs to Russia, and they are one people”. Subalit ang Ukraine ay isang Sovern Nation at may sarili silang linggwahe, mga kultura, at may sariling sistema at pamamaraan sa pulitika. Sa kabila ng pananakop ay may pangunahing pakay at dahilan si Presidente Putin sa kanilang pananakop at iyon ay upang mapigilan ang alyansang NATO sa pagpapalawak ng kanilang nasasakupan at para na rin bumalik sa dati ang bilang ng nasasakupan nito.

          Sa aking opinyon, hindi ako sumasang-ayon sa ginagawang pananakop ng Russia sa bansang Ukraine. Hindi karahasan ang sagot kung sakaling meron kang pagtutol sa desisyon ng ibang bansa. Maling desisyon rin ang ginawa ng bansang Russia, dahil sa paraang pinili nila, maraming nadadamay na mga sibilyan, mga matatanda, mga inosenteng tao at maging ang mga bata, at iba pa. Kaya nga mayroong kalayaan ang bawat bansa, ibig sabihin, kung ano man ang desisyon nito ay hindi dapat pakialaman ng iba pang mga bansa.

Ang isa sa mga epekto ng digmaan sa larangan ng Engineering, ay nagbibigay ito ng mga problema na dapat lutasin. Ito ay sanhi ng giyera na nagiging bunga ng pagkasira ng mga imprastraktura, mga establisyemento at iba pa. Binibigyan nito ng pagsubok ang mga inhenyero na umisip ng mga bagong paraan upang mabawasan ang pinsala sa mga imprastraktura at paano ito mapapatibay upang hindi ito agad agad na masira. Isa pang epekto nito sa larangan ng Engineering, ay ang pagtaas ng kompetisyon ng bawat panig pagdating sa kanilang teknolohiya. Natural lamang na kung sino ang mas lamang sa kaalaman pagdating sa engineering, lalo na kapag may kinalaman sa mga gamit pandigma ay siyang mas lamang sa laban. Kung sino ang mas moderno, mas makabago, mas matipid sa gastos, at mas maaasahan, ay ang siyang mas may higit na kalamangan

          Ang paggamit ng karahasan ay hindi sagot sa isang problema. Kailangan isaalang-alang palagi ang kapakanan ng mga maiipit at maaapi sa isang giyera. Hindi dapat kinakampihan ang taong sumisira sa kapayapaan. Kawawa ang mga taong naapektuhan dahil wala silang laban at wala silang ibang pagpipilian. Nawa ay panatilihin ng mga bansa ang kapayaan at huwag nang hayaang magkaroon pa ng iba’t ibang giyera tulad ng nagyayari sa kasalukuyan. Alam natin na marami ang maaapektuhan at madadamay. Lahat ng bansa ay may sariling desisyon, respetuhin at ating igalang upang makamit ang kapayapaan.